فني وكورونا

في هذي الأوضاع الصعبة اللي نمر فيها جميعنا وخلال هذي الجائحة العالمية اللي نتمنى الله يبعدها على خير تأكدوا أن سلامتكم وسلامة الفنيين هي همنا الأول والأخير في هذه الفترة، فني يحاول قد مايقدر يخدمكم بأفضل مستوى وأسرع وقت ممكن. هالفترة أبداً ماكانت سهلة خاصة على مستوى شركات تقديم الخدمات، الكل عانى وواجه صعوبة بارضاء العملاء ولكن فني واجه تحديات أكبر بكثير. بفضل الله اسم فني صار معروف أكثر والناس صارت تعتمد علينا أكثر من قبل، هذا غير ضغط الطلبات اللي كنا ومازلنا نواجهه من بداية الأزمة كل هذا طبعاً بسبب اجراءات حظر التجول وتوجيهات حكومتنا الرشيدة بالالتزام في المنازل وعدم الخروج الا للضرورة. وكان هذا الوقت الصحيح اللي نثبت فيه شعارنا من يوم بدينا #خليكوإحنانجيك طبعا قدّرنا كثير اعتمادكم علينا وكنّا قد الثقة تحدينا الأكبر كان إنجاز طلباتكم بأسرع وقت وعلى أكمل وجه مو بس كذا لا ... وبأعلى معايير السلامة وبدون ما نحسسكم بالضغط اللي نواجهه. الفريق كان يشتغل ليل نهار حتى يخدمكم على أكمل وجه. بفضل الله فريق فني أنجر أرقام خيالية سواءً في عدد العملاء، الطلبات أو حتى تسجيل فنيين كفو يخدموكم ويشرفونا. فني من بداية الأزمة أخذ إجراءات كثير تضمن السلامة وجودة الخدمة من ضمنها التوسع في بقية مدن المملكة فني عشانكم ومن منطلق مسؤوليته قرر انه يتوسع بأسرع وقت في كل مدينة تحتاجونا فيها القرار كان مصيري ولا مرة فكرنا ان ممكن ناخذه وننفذه في هذا الوقت الضيق قررنا نبدأ نتوسع في المدن التالية: الباحة، عسير، جيزان، نجران، الطائف، القصيم، الخرج، حائل، تبوك، ينبع، رابغ، الليث، الجبيل، حفر الباطن وبقيق. وعشان سلامتكم كمان وراحة بالكم أضفنا جميع طرق الدفع بيوم وليلة. فني من بداية الأزمة وجه الفنيين بالالتزام بمعايير السلامة والوقاية مثل: ١- الفني مو مسموح له يقبل أي طلب في حال حس بأي وعكة صحية وهنا مانتكلم على أعراض فايروس كورونا بس- أي وعكة. ٢- ممنوع مصافحة العميل أو لمس أغراضه الشخصية. ٣- تعقيم اليدين على طول وقبل بدء العمل بشكل خاص. ٤- لبس الكمامة والقفازات عند الزيارة. ٥- ضروري يحافظ على مسافة بينه وبين العميل. وختام إحنا موجودين عشانكم وكل التغييرات والإجراءات اللي اتخذناها كانت لضمان سلامتكم وضمان الخدمة اللي نقدمها لكم شكرا على ثقتكم ودائماً راح نكون قد الثقة. نسأل الله أن يرفع عنّا هذا الوباء وفني يتمنى لكم السلامة والعافية من كل شر. كونوا بخير 💛

Share with your frindes: